قصيدة التوجد للشاعر / خالد بن مدعث الدوسري

قصيدة التوجد للشاعر / خالد بن مدعث الدوسري



كل ما فاضت عيوني باشت الأضلاع غنـا

الموارد في الضلوع وكل ضلع فـيه ونـه





والتمني ما يحقق هقوت القلـب ان تمنـا

بس قلبي ما يداني تبعـد الهقـوات منـه





وا وجودي وجد من جلي عن دياره مجنـا

تو عمره عشر واربع والليالي مـا تحنـه





ما وراه إلا عجوزٍ واختـه وعـود مسنـا

بين فقر وبين دين وبين ضيم وبيـن منـه





ما ذبحهم غير دمع من الغبينه مـا يكنـا

ويل من سود الليالـي بالمصايـب يبتلنـه





راح مثل الذيب وهبلته حياة الذيـب ظنـا

وآمن والموت يومه بين مخلابـه وسنـه





راح ينقل دم قلبه وان ضواه الليـل ونـا

الذيابـه مروحاتـه والسيـوف يدورونـه





ليا ذكر دم القرايب عانـق البيـدا وثنـا

وان تذكر ضحكة امه زاغ قلبه من مغنـه





ما يلوعه في حشاه إلا ليا شاف البرق سنا

غاب عشر اسنين ما به من يرد العلم عنه





انحداه الخوف منا هزت الأشـواق منـا

يوم طال الوقت عود للديـار اللـي ربنـه





قـال مـا دام المذلـه والبـلاوي يبتلنـا

والله ان الموت في الأوطان بين الربع جنه





يوم وقف في المنازل ما لقى بيـت مبنـا

غير بيـت للهبايـب والـذواري يلعبنـه





راح يمه كنه اللي ضاربـه رمـح مطنـا

واعذابه ما دري ان اسهوم بقعـا يحترنـه





يوم قرب سمع له صوت من العلـه يحنـا

حصل امه عندها ضيف يقول الموت سنـة





قال يمه قالت عيوني مـن الدمـع انعمنـا

قال ابويه قالت اطوال النصايب قد خذنـه





قال واختي قالت اقفى القوم باختك مع ظعنا

قال ربعي قالت اسنيـن المجاعـة فرقنـه





قال جيتك قالت ان الموت ماظنـي تونـا

واستلمها نازع الارواح روحـن مرجهنـه





ثم صاح من التفرق صيحة اللي فيه جنـا

دق صدره وانطوى من حر ما به طي شنه





كل هذا حال قلـب مـن خلقـه الله معنـا

الهمـوم يوكلنـه والـروابـع يوكلـنـه





ليه ادور للسبايب والسبـب فينـا ومنـا

النفوس وما تسوي واليدين ومـا حصدنـه





لا تسودنا الخطايا نلحـق الشرهـه زمنـا

ما جزانـا إلا عملنـا والخلائـق يثبتنـه








أرجو أن تنال إعجابكم[b]

قال جيتك قالت ان الموت ماظنـي تونـا

واستلمها نازع الارواح روحـن مرجهنـه






يالطيف مافي امل من السعادة عنده

طقعت قلوبنا ياابوعبدالله شوي شوي علينا

القصيدة مرة حزينة بس وربي انها حلوة





تقبل مروري

احلوت ايامك

بارك الله فيك على مرورك الطيب

تقبل تحياتي وتقديري